Тулгар төрийн 2234, Их Монгол Улсын 819 жил, Үндэсний эрх чөлөө тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг тохиолдуулан Монгол Улсын Ерөнхийлөгчийн зарлигаар төрийн алба, боловсрол, соёл урлаг, эрүүл мэнд, хууль эрх зүй, хөдөө аж ахуй болон төрийн болон төрийн бус байгууллагад олон жил үр бүтээлтэй ажиллаж, амжилт бүтээлээрээ манлайлсан эрхэм хүндтэй хүмүүсийг Монгол Улсын төрийн дээд одон медалиар шагнасан юм.

• Хөдөлмөрийн гавьяаны улаан тугийн одонгоор Нийслэлийн Өргөө амаржих газрын Эрсдэлтэй жирэмсний тусламжийн тасгийн эх барих эмэгтэйчүүдийн эмч Х. Баярсайхан шагнагдлаа.
• Алтан гадас одонгоор Хүлээн Авах яаралтай тусламжийн тасгийн эрхлэгч Г. Батгэрэл, Нярайн тасгийн эмч Ж. Эрдэнэчимэг, Нярайн тасгийн сувилагч Б. Адууч нар тус тус шагнагдлаа.
• Хөдөлмөрийн хүндэт медалиар Мэс засал, мэдээгүйжүүлэг эрчимт эмчилгээний тасгийн арга зүйч Н. Гэрэлсайхан шагнагдлаа.
• Нийслэлийн иргэдийн төлөөлөгчдийн хурлын хүндэт тэмдгээр Мэс засал, мэдээгүйжүүлэг эрчимт эмчилгээний тасгийн эмч Л. Мөнхцэцэг шагнагдлаа.

Монгол улсын төрийн дээд одон, медалиар энгэрээ мялаасан шилдэг ажилчиддаа Нийслэлийн Өргөө амаржих газрын удирдлага, хамт олны зүгээс та бүхэндээ ажлын амжилт, эрүүл энх, сайн сайхныг хүсэн ерөөе.